ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ហ្វីលីពីន ប្រកាសពីការផ្ទុះជំងឺប៉េស្តជ្រូកអាហ្រ្វិកនៅខេត្តកណ្ដាលប្រទេស

  • ចុះផ្សាយថ្ងៃទី០៩ ខែមីនា ឆ្នាំ២០២៣ ម៉ោង ១១:១៦ នាទី ដោយ Mesa
  • 1480
  Aa |   aA

ហ្វីលីពីន៖ នាយកដ្ឋានកសិកម្មរបស់ប្រទេសហ្វីលីពីននៅថ្ងៃពុធ ទី៨ ខែមីនា បានបញ្ជាក់ពីការផ្ទុះឡើងនៃជំងឺប៉េស្តជ្រូកអាហ្រ្វិកនៅក្នុងខេត្ត Cebu ភាគកណ្ដាលប្រទេសហ្វីលីពីន ហើយខាងកសិកម្មបានដាក់ពង្រាយនូវក្រុមឆ្លើយតបដើម្បីឃ្លាំមើលទំហំនៃការឆ្លង។

ការិយាល័យឧស្សាហកម្មសត្វ នៃនាយកដ្ឋានកសិកម្មបាននិយាយថា គំរូឈាមចំនួន ៥៨ ក្នុងចំណោម ១៤៩ ដែលប្រមូលមកពីទីក្រុង Carcar ក្នុងខេត្ត Cebu មានលទ្ធផលវិជ្ជមានចំពោះជំងឺប៉េស្តជ្រូកអាហ្រ្វិក ដែលនាយកដ្ឋានកសិកម្មបន្ថែមថាជំងឺនេះពុំមានការបង្កគ្រោះថ្នាក់ដល់មនុស្សឡើយ ប៉ុន្តែវាមានហានិភ័យធ្ងន់ធ្ងរ និងការឆ្លងខ្លាំងទៅលើសត្វជ្រូក។

ការផ្ទុះឡើងចុងក្រោយនេះ បន្ថែមលើបញ្ជីករណីជំងឺប៉េស្តជ្រូកអាហ្រ្វិកសកម្មនៅក្នុងខេត្តចំនួន ១២ ក្នុងចំណោមខេត្តជាង ៨០ របស់ប្រទេសហ្វីលីពីន ដោយផ្អែកលើទិន្នន័យចុងក្រោយរបស់នាយកដ្ឋានកសិកម្ម។

ការិយាល័យឧស្សាហកម្មសត្វក្នុងសេចក្ដីប្រកាសមួយបញ្ជាក់ថា អ្នកចិញ្ចឹមជ្រូក និងអ្នកពាក់ព័ន្ធទាំងអស់ត្រូវបានលើកទឹកចិត្តឱ្យរាយការណ៍ពីការស្លាប់ និងជំងឺជ្រូកខុសពីធម្មតាទៅកាន់ការិយាល័យកសិកម្ម/បសុពេទ្យតាមតំបន់រៀងៗខ្លួន។ 

គួរបញ្ជាក់ថា ជំងឺប៉េស្តជ្រូកអាហ្រ្វិកត្រូវបានគេរកឃើញជាលើកដំបូងនៅក្នុងប្រទេសហ្វីលីពីនក្នុងឆ្នាំ ២០១៩ ដែលជំរុញឱ្យមានការសម្លាប់ចោលសត្វជ្រូករាប់ពាន់ក្បាលចាប់តាំងពីពេលនោះមក និងកាត់បន្ថយចំនួនផលិតកម្មជ្រូកក្នុងស្រុកយ៉ាងច្រើនជាលំដាប់។ ការកាត់បន្ថយការផ្គត់ផ្គង់សាច់ជ្រូកក្នុងស្រុកបានជំរុញឱ្យហ្វីលីពីនបង្កើនការនាំចូលសាច់ជ្រូកពីក្រៅប្រទេស ខណៈដែលតម្លៃសាច់ជ្រូកក្នុងស្រុកបានហក់កើនឡើង ដែលជាការបន្ថែមសម្ពាធលើបញ្ហាអតិផរណាដែលកំពុងកើតមាន៕


ព័ត៌មានជាច្រើនទៀតសម្រាប់អ្នក